Përfaqësues të Ambasadës së SHBA-së paraqiten në gjykatën penale të Tiranës për të ndjekur procesin gjyqësor në ngarkim të Ermes Hoxhollit.
Ai akuzohet se mashtronte institucionet arsimore, me projektet “Let’s Talk Together About US”, duke u premtuar nxënësve e mësuesve udhëtime falas në SHBA.
Sipas hetimeve: Nëpërmjet aplikacionit “Whatsapp”, Hoxholli krijoi një identiet të rremë dhe u prezantua në Ministrinë e Arsimit si “Klea Rama”, mbesa e kryeministrit Edi Rama.
Ermes Hoxhalli dorëzoi virtualisht një projekt joshës-“Let’s Talk Together About US”- një cikël trajnimesh, nëpërmjet të cilit maturantët shqiptarë do të kishin mundësi të vijonin studimet e larta në Shtetet e Bashkuara.
Askush nuk e takoi, askush nuk e verifikoi identitetin e Kleas. Mjaftonte vetëm fakti që përdori kodin “jam mbesa e Edi Ramës” dhe të gjitha rrugët iu hapën si me magji në sistemin arsimor shqiptar, duke nisur nga kupola.
Një e-mail dhe disa komunikime telefonike gjatë vitit 2023 mes “Kleas” dhe zv.ministres Nina Guga, u pasuan me urdhëresa drejtuar dhjetëra gjimnazeve në të gjithë Shqipërinë, për t’u bërë pjesë e “Let’s Talk About US”.
Drejtoritë vendore arsimore dhe drejtoritë e gjimnazeve krijuan borde e caktuan koordinatorë për projektin, organizuan konkurse lokale e kombëtare mes maturantëve, u përzgjodhën fituesit dhe….të gjithë qëndronin në pritje të fjalës së fundit nga “Klea, mbesa e Ramës”.
Discussion about this post