Një tjetër histori e tmerrshme është publikuar lidhur me vrasjet e civilëve izraelitë nga terroristët e HAMAS, ditën kur anëtarët e kësaj organizate sulmuan qytetet izraelite.
Mor Bayder, nuk i mbajti dot lotët kur në një intervistë që dha për kanalin televiziv izraelit Canal 13, ajo filloi të përshkruajë vrasjen e gjyshes së saj të dashur nga anëtarët e Hamasit që e transmetonin drejtpërdrejt në Facebook.
“Kur dolëm, tezja ime thirri mamin dhe më tha ‘hap Facebook, hap Facebook’”, tha Bayder, e cila nuk mundi t’i mbante lotët teksa kujtonte skenat tronditëse që patë në video, vrasjen e gjyshes së saj.
“Mamaja ime nuk mund ta hapte fare, ajo po dridhej. E hapa nga telefoni dhe pashë gjënë më të keqe që mund të imagjinonit.
Gjyshja ime në dyshemenë e shtëpisë së saj po vritet në një video. E gjithë dyshemeja e mbuluar me gjak. Gjyshja ime shtrirë atje”, tha Bayder, duke përshkruar videon e tmerrshme që u shfaq në faqen e vetë gjyshes së saj në Facebook.
“Terroristi thjesht ia mori telefonin, e filmoi dhe e ngarkoi në murin e saj privat në Facebook. Kështu e morëm vesh. Bërtitëm me gjithë shpirt.
Të gjithë këtu e humbën. Është gjëja më e tmerrshme që mund të imagjinoni ndonjëherë dhe të kaloni në mendjen tuaj”, tha vajza e shkatërruar, ndërsa këto imazhe do të mbeten përgjithmonë në mendjen dhe shpirtin e saj. /TMZ/
Discussion about this post