Ministri i Jashtëm, Igli Hasani ka mbajtur një deklaratë për shtyp me homologun ukrainas, Dmytro Kuleba para nisjes së samitit për Ukrainën që do të mbahet në Tiranë.
“Shqipëria mbështet sovranitetin, lirinë dhe tërësinë territoriale të Ukrainës. Dënon me forcë agresionin rus ndaj Ukrainës dhe do të vijojë përpjekjet për ta mbajtur Rusinë përgjegjëse për krimet e kryera në Ukrainë.
Shqipëria mbështet planin me 10 pika të presidentit Zelensky si mundësia më realiste për t’i dhënë fund luftës dhe arritjen e një paqeje të qëndrushme. Së bashku me aktorë dhe vende të tjera kemi marrë angazhimin për bashkëpunimin dhe realizimin e pikës 5 që ka të bëjë me rivendosjen e e tërësisë teritoriale dhe sovranitetit të Ukrainës si një nga objektivat më imediat të përfundimit të luftës.
Jemi në koordinim të plotë me vendet aleatë në mbështetje për popullin ukrainas. Vendi ynë e ka vendosur si përparësi të punës trajtimin e situatës në Ukrainë dhe dënimin e agresinut rus në të gjitha forumet ndërkombëtare siç kemi bërë gjatë periudhës dy vjeçare në KS dhe do veprojmë në kuadër të anëtarësisë tonë në Këshillin e të Drejtave të Njeriut apo edhe në organizma rajonale.
Pas përfundimit të detajeve ligjore dhe financiare, jemi në fazën e përgatitjes teknike për hapjen e ambasadës shqiptare në Kiev, duke mbajtur në vëmendje edhe situatën e sigurisë në kryeqytetin e Ukrainës”, tha Hasani.
Discussion about this post