Ambasadorja amerikane në vendin tonë Yuri Kim ishte sot e pranishme në aktivitetin “Fuqizimi Ekonomik i Gruas”. Ajo tha se ndihet krenare që SHBA vijon të mbështesë gratë dhe të japë mjete financiare dhe materiale për fuqizimin ekonomik të tyre.
Kryediplomatja u kërkoi grave dhe vajzave të qëndrojnë pranë njëra-tjetrës, pasi kjo qasje për kryediplomaten amerikane është forcë shembulli dhe progresi në një shoqëri demokratike.
“Forca juaj, forca jonë si gra, si qenie njerëzore si demokraci, si kombe, forca jonë qëndron në identitetin tonë. Përçarja është ajo që kërkon armiku. Jam shumë krenare që SHBA mbështesin një përpjekje të tillë, mbështetjen e grave, për të vendosur çfarë jeni, se çfarë doni të bëni. Ne do t’u ofrojmë mjete, sepse ju jeni ato që vendosni se çfarë doni të bëni”, tha ajo.
Discussion about this post