Mbështetës të Lulzim Bashës, të emëruar prej tij në postet drejtuese në atë që njihet si PD-ja zyrtare, kanë nisur sulmet politike ndaj Gazment Bardhit, kryetar i Grupit Parlamentar, një prej bashkëpunëtorëve më të afërt të Bashës për disa vite.
Mirela Karabina, zëdhënëse në subjektin që drejtohet nga Basha, shprehet se oportunizmi i Gazment Bardhit është i turpshëm dhe nuk ka lidhje me parimet.
Në reagim bashkëlidhet një video e ish-sekretarit të përgjithshëm të PD, në të cilën deklaron se Berisha është pjesë e Partisë Demokratike, pavarësisht vendimeve që janë marrë nga kjo forcë politike kur Bardhi ishte numri dy i saj.
“Parimet e një personi testohen në kohë krize, jo kur gjithçka shkon mirë. Vetëm përballë vështirësive mund të kuptojmë nëse veprohet për parime apo për opotunizëm. Bardhi zgjodhi oportunizmin.
Të bashkëpunosh me një non grata, vetëm për përfitime politike, është e turpshme!”, shkruan ajo, ndërsa ka publikuar videon e mëposhtme.
Në anën tjetër, Edvin Kulluri, dikur një nga kontestuesit e Lulzim Bashës, dhe sot pjesë e ekipit të tij në atë që njihet si PD zyrtare, nga studio e Report Tv, tha se Gazment Bardhi ka mbajtur qëndrime që cënojnë nga ana proceduriale veprimtarinë e PD.
“Situata është po e njëjta që nga vendjimi paraardhës për largimin nga strukturat e partisë ose nga anëtarësia e tetë deputetëve që kanë mbajtur qëndrimi\e duke u atashuar pranë një subjekti tjetër joligjor sepse Rithemelimi nuk ka status ligjor sipas kërkesave të ligjit për partitë politike të cilat regjistrohen në gjykatën e Tiranës. Zoti Bardhi ashtu si disa deputetë të tjerë në vijimësi ka mbajtur qëndrime që cënojnë nga ana proceduriale veprimtarinë e PD. Nuk po flasim se janë përjashtuar se mendojnë ndryshe.
Ka bërë tre shkelje që janë të rënda në kundërshtim me statutin. E fundit ishte kërkesa për të çuar Oerd Bylykbashin si përfaqësues të PD si bashkëkryetar të komisionit të Reformës Zgjedhore. Bylykbashi ndërkohë është nënkryetari i Rithemelimit. Ka mbajtur mbledhje të këshillit kombëtar jashtë kompetencave të tij statutore. S’e di askush kush e bëri mbledhjen online, si u bë… Duhet ti therriste në një sallë. Mbledhje e këshuillit kombëtar me vetëdeklarim me një telefon në dorë hera e parë që dëgjoj. Është shkelje e kompetencave që ka sekretari i Përgjithshëm që në atë kohë ka qenë ende.
Së treti vazhdon të ndërmarrë veprime që nuk janë në përputhje me një vendim madhor që ka marrë PD në datën 18 dhjetor ku Bardhi është shkrues i rezolutës për Berishën për tu larguar nga PD i shpallur non grata. Ai është një nga negociatorët, ka qenë mbrojtës konsistent në të drejtën e tij për këtë çështje. Kur ti shkel një akt politik siç është rezoluta. Ka kundërshtuar veten. Bardhi është përjashtuar pas një debate gati dy orë”, tha Kulluri.
Më herët po kundër Gazment Bardhit ka reaguar edhe Roland Bejko, që e konsideroi bashkëpunimin e tij me Sali Berishën si një aleancë mes non gratave dhe kullave.
Duket se akuzat publike ndaj Bardhit kanë lidhje me akuzat që ky i fundit i bëri Lulzim Bashës në sallën e Kuvendit, kur i kujtoi dy kate në një prej kullave më të shtrenjta të Tiranës, që sipas Bardhit, familjarë të Bashës i kishin prenotuar pas humbjes në zgjedhjet e 2021.
Discussion about this post