Një ditë pasi ish-kryeministri Sali Berisha dhe përkrahësit e tij hynë me dhunë në selinë e PD, duke shkelmuar dhe një derë, kryedemokrati Lulzim Basha ka marrë masën e parë, duke instaluar kamera në pjesën e jashtme të selisë.
Ish-kryeministri Berisha dhe mbështetësit e tij shkruan sërish ditën e djeshme në seli duke uzurpuar me forcë dhe përdorur dhunë në ambientet e brendshme të saj. Ndryshe nga mbledhjet e mëparshme, këtë herë mbështetësve të Berishës iu desh të shpërthejnë derën e sallës në të cilën u mbajt mbledhja.
Pas deklaratave ku i bënte të qartë Bashës pozicionin e tij dhe vendimin e mbështetësve të tij për ta larguar nga zyra e kryetarit, Berisha u largua qetësisht nga selia e PD. Pak pas largimit të Berishës, Basha denoncoi me emër edhe personin që theu derën e sallës ku hyri Berisha, duke theksuar se kanë bërë kallëzim penal për të.
Discussion about this post