Teksa kryetari i komanduar i Partisë Demokratike Enkelejd Alibeaj po mbante fjalën e tij në selinë e PD, një prej mbështeteseve të Sali Berishës i ka ndërprerë fjalimin duke thirrur me tone të larta. Duke bërtitur, ajo thotë që partia duhet të marrë në konsideratë kontributin e të gjithëve.
“Në emër të Birit, të Atit dhe Shpirtit të Shenjtë nuk mund të më pengoni të bërtas këtu”, tha ajo teksa bërtiste “mos më prek!”, “mos më prek!”. ‘Kam vënë këmbën aty që fëmijë dhe kjo është shtëpia e lirisë. Nuk ka tradhtarë, ka vetëm shqiptarë dhe emigrantë që punojnë për Shqipërinë. Mos më tregoni se çfarë dua të bëj se po luftojmë për jetë a vdekje” – tha ajo.
Kryetari i komanduar, Enkelejd Alibeaj, gjatë fjalës së tij deklaroi se vendimi i sotëm i gjykatës nuk ndryshon asgjë në mënyrën se si funksionon partia.
“Kjo nuk ndryshon deri sa ne të bëjmë ankimimin dhe gjykata të japë fjalën e fundit. PD dhe demokratët nuk mund të synojnë të ardhmen duke parë nga e shkuara. S’mund ta bëjnë këtë duke patur përballë SHBA-të dhe vlerat e demokracisë në fakt” – tha ai duke theksuar se PD funksionon sipas një statuti që përbën rregullin në PD.
Discussion about this post