Makina e kryetarit të Partisë Liberale Demokratike në Serbi, Çedomir Jovanoviç është sulmuar mbrëmjen e djeshme në aeroportin “Nikola Tesla” të Beogradit.
Jovanoviq e parkoi makinën në korsinë e ndalimit përpara hyrjes së ndërtesës së aeroportit, teksa erdhi në aeroport për të pritur djalin e tij që po kthehej nga Britania e Madhe.Gjatë pritjes makina e tij është sulmuar nga persona ende të paidentifikuar.
Kur është kthyer ka gjetur pjesë të thyera të makinës dhe një grup të rinjsh e kanë fyer. I hoqën targat dhe thërrisnin “E shite Serbinë”.
Politikani serb është bërë shpesh herë objekt i sulmeve të tilla, që vijnë si pasojë e qëndrimeve që ai mban. Çedomir Jovanoviç ka shprehur hapur mbështjetjen e tij për pavarësinë e Kosovës, duke u bërë kështu një ndër të vetmit politikanë serb që njohin Kosovën si shtet të lirë e të pavarur.
Discussion about this post