“Mbështetje e fortë”/ Liberalizimi i vizave në Kosovë, Greqia del me reagim zyrtar

Greqia zyrtare ka deklaruar se e mbështet plotësisht procesin e liberalizimit të vizave në Kosovë. Mesazhi u dha nga zyra greke në Prishtinë, e cila drejtohet nga Heleni Vakali. Vazhdimisht, ajo është shprehur se Athina ka dhënë përkrahje për këtë proces të rëndësishëm. “Greqia ka qenë vazhdimisht një mbështetëse e fortë dhe e vendosur e liberalizimit të vizave për kosovarët”, thuhet në njoftim.

Greqia është një nga pesë shtetet e Bashkimit Evropian (BE) që nuk e kanë njohur Kosovën. Por Kosova dhe Greqia kanë bashkëpunim të lartë në fushën e tregtisë.