Tre turistë rrezikuan të mbyteshin në detin e Durrësit ditën e sotme. Policia Kufitare e Durrësit ka njoftuar se u erdhi në ndihmë 3 pushuesve që kishin mbetur në det të hapur, me një pedalon. Rreth orës 17:05, është marrë njoftim se në det të hapur, në vendin e quajtur “Adriatik 1”, Durrës, kishin mbetur 3 shtetas që ishin futur në det me një pedalon, me të cilin nuk po ktheheshin dot në breg.
Policia Kufitare Durrës konstatoi pas kontrollove se larg bregut, në det të hapur, ishte një mjet lundrues pedalon, me 3 shtetas në të, që ishte bllokuar në det dhe nuk lëvizte pasi iu kishte bllokuar timoni. Shërbimet e Policisë Kufitare Durrës kanë marrë në mjetin lundrues të Policisë Kufitare, 3 pushuesit, të moshës 15 vjeç, të tre banues në Tiranë, të cilët ishin në gjendje të mirë shëndetësore. Fal ndihmës në kohë tre turistët janë shpëtuar dhe janë në gjendje të mirë shëndetësore.
Discussion about this post