Një 19-vjeçare, e cila mbeti e bllokuar brenda banesës së përfshirë nga flakët, është shpëtuar nga forcat “Shqiponja”.
Ngjarja ka ndodhur mbrëmjen e djeshme në një banesë në rrugën “Sali Nivica”, në të cilën kishte rënë zjarr, ndërsa rrezikohej jeta e 19-vjeçares së bllokuar brenda.
Njoftimi
Shërbimet e Komisariatit të Policisë Nr. 1 dhe ato të Sektorit të Forcës së Posaçme “Shqiponja” ndihmojnë një shtetase që kishte mbetur e bllokuar në banesën e saj, pasi kishte rënë zjarr.
Mbrëmjen e djeshme, Policia ka marrë njoftim se në një banesë në rrugën “Sali Nivica”, kishte rënë zjarr dhe një shtetase rrezikonte jetën, pasi kishte mbetur e bllokuar brenda në banesë.
Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme “Shqiponja”, kanë shkuar menjëherë në adresën e dhënë dhe i kanë dhënë ndihmë shtetases E. D., 19 vjeçe, e cila kishte mbetur e bllokuar brenda banesës që ishte përfshirë nga zjarri.
19-vjeçarja është jashtë rrezikut për jetën.
Discussion about this post