Hamza Lici është një dy prej viktimave të atentatit në Shkodër, ngjarje e ndodhur mesditën e së mërkurës në zonën e Dobraçit. Hamza Lici ndodhej në një automjet, bashkë me Arlind Bushatin, kur ndaj tyre është qëlluar me armë zjarri nga një tjetër automjet.
Si pasojë e të shtënave ka humbur jetën Hamza Lici, ndërsa është plagosur rëndë Arlind Bushati, i cili është transportuar drejt spitalit.
Hamza Lici ka reaguar vite më parë, kur policia njoftonte arrestimin e vëllait të tij, Ibrahim Lici, ndërsa sqaronte se ky i fundit nuk ishte arrestuar por ishte dorëzuar dhe kishte kërkuar azil në vendin ku jetonte. Ibrahim Lici njihet si një nga të fortët e Shkodrës, i cili sipas autoriteteve, dyshohet për disa ngjarje të rënda kriminale.
Por Lici, ishte një emër i njohur për policinë. Ai ishte vëllai i Ibrahim Licit, të arrestuar në Turqi si i dyshuar për vrasjen e Endri Mustafës.
Emri i Hamza Licit lidhet me ngjarje të bujshme në Shkodër. Ndërsa Endri Mustafa njihej si pjesëtar i grupit të Bajrave në Shkodër. Në familjet Lici dhe Bajri janë kryer një sërë vrasjesh.
Në gusht 2018 u ekzekutua me kallashnikov Fatbardh Lici, vëllai i Mustafa Licit.
Në mars 2019 u vranë në derë të shtëpisë Brahim dhe Astrit Bajri. Për krimin e dyfishtë u shpall në kërkim Ibrahim Lici, por vetëm në prill të vitit 2021, u hoq nga kërkimi për mungesë provash.
gijotina.com/
Discussion about this post