Në Mianmar, ekipet e shpëtimit po bëjnë përpjekje heroike për të nxjerrë të mbijetuarit nga rrënojat e shkaktuara nga një tërmet i fuqishëm me magnitudë 7,7 ballë.
Ata po kërkojnë nën grumbujt e mbeturinave dhe po përdorin edhe duar për të shpëtuar njerëzit që janë bllokuar. Sipas të dhënave më të fundit, numri i të vdekurve ka arritur në 1.644, ndërsa raportohet per 3408 të lënduar dhe 139 të zhdukur.
Në të njëjtën kohë, në rajonin e Mandaleit, të mbijetuarit po tregojnë histori tmerri dhe dëshpërimi.
“Njerëzit po gërmojnë me duar për të larguar rrënojat,” tha një qytetar për BBC.
Mëngjesin e të premtes, ekipet e shpëtimit zbuluan nën rrënojat një fëmijë që po pëshpëriste se ishte etur. “I dhashë fëmijës një tub të vogël që të mund të arrinte ujin përmes mbeturinave,” tha ai. “Dëgjoj zëra që thërrasin për ndihmë,” shtoi ai.
Megjithatë, përpjekjet nuk ndalen për shpëtimin e tyre, por sipas dëshmitarëve, të lënduarit nuk po arrijnë të marrin ndihmë në spital.
“Po përpiqemi të shpëtojmë sa më shumë mundemi, por edhe kur arrijmë t’i çojmë ata në spital, nuk mund t’i trajtojnë. Nuk ka energji elektrike, nuk ka ujë,” tha ai.
Problemi përkeqësohet nga mungesa e madhe e karburanteve, që e bën të pamundur funksionimin e pompave të ujit dhe transportimin e të plagosurve.
Në kushte normale, sipas dëshmitarëve, shumë të rinj do të ndihmonin në shpëtim. Por që nga miratimi i ligjit për shërbimin e detyrueshëm ushtarak në shkurt të vitit 2024, shumë prej tyre kanë braktisur qytetet ose janë bashkuar me grupe kundërshtuese.
“Nëse kthehen, do të kapen. Prandaj, nuk ka shumë duar të reja për të ndihmuar,” shpjegoi ai.
Në të njëjtën kohë, kur ra nata në Mandalei, qyteti i dytë më i madh i Mianmarit, rrugët u mbushën me tendat dhe batanije. Shumë banorë vendosën të kalonin natën jashtë, duke u frikësuar se shtëpitë e tyre mund të mos e mbajnë një tërmet tjetër.
“Po friksohemi se disa ndërtesa të dobëta mund të shemben,” tha një qytetar për Guardian.
Discussion about this post