Mbi 20 ditë brenda në ujë me një peshë prej 10 kg të lidhur në këmbë, dalin pamjet e trupit të pajetë/ VIDEO

Janë publikuar pamjet e momentit kur ka dalë në bregdet trupi i pajetë i viktimës që u gjet në plazhin e Dikastiqit në Schinia, Greqi.

Në video shihet trupi në fazë dekompozimi i burrit, që dyshohet se ka qëndruar për më shumë se 20 ditë brenda në det, i cili “noton” në ujë.

Shiko videon këtu

Viktima, rreth 45 vjeç, mbante veshur rroba të zeza, ndërsa trupi i tij është i fryrë për shkak se ka qëndruar më shumë ditë i zhytur në ujë.

Oficerët e rojës bregdetare e tërheqin viktimën nga krahët dhe e nxjerrin nga uji, ndërsa në këmbë ishte lidhur pesha 10 kg.

Një nga dëshmitarë ka treguar momentin kur zbuluan trupin e pajetë në ujë.

“Në atë moment po dilja nga deti dhe e kam dëgjuar të bërtitura: “Është një vdekur, një i vdekur. Ishte një kufomë të cilën e nxorëm më vonë. Kur erdhi policia dhe ambulanca, shkoi një zhytës, e nxori, ishte një kufomë krejtësisht e shpërfytyruar, e fryrë. Nuk ishte një pamje e mirë”, ka treguar për Mega-n dëshmitari okular.

Sipas informacioneve, viktima kishte një tatuazh të veçantë në trup që referohet grupeve të veçanta kriminale dhe mund të ndihmojë në identifikimin e tij.

Policia nuk përjashton që ky element fsheh detaje për rrethanat e vdekjes së tij dhe së bashku me rezultatet e testit të ADN-së do të zbulojë se kush është viktima dhe nëse ai njihet nga autoritetet.