Rritja e çmimeve ka lënë shumë plazhe të jugut bosh, të cilat në të shumtën e rasteve janë të papërballueshme për xhepat e shqiptarëve. Por ndryshe nga të tjerat, çmimet në Borsh mbeten të pandryshuara, duke bërë që të jetë një nga destinacionet e preferuara për shumë shqiptarë. Në Borsh, shezlongu kushton 5 mijë lekë, aq sa ka qenë edhe vitet e tjera, çmim që nuk gjendet askund tjetër në jug të vendit. Në gjithë vijën bregdetare çmimet e shezlongeve arrijnë shifra nga 20€ për shezlonget e thjeshtë deri në 200€ për ato private.
Sipas vëzhgimit të bërë nga ABC, jo vetëm shezlonget nuk kanë ndryshuar koston, pasi edhe çmimet e njësive akomoduese apo dhe restoranteve janë të pandyshuara. Për të gjitha arsyet e mësipërme shumë pushues, vendas dhe të huaj kanë zgjedhur të pushojnë në Borsh, duke sjellë edhe rritjen e turistëve.
Kohët e fundit, çmimet në vendin bregdetarë janë duke pësuar çdo herë e më shumë rritje.
Një kafe, pije, apo drekë në një restorant po kushton gjithnjë e më shumë. Sipas INSTAT, Indeksi vjetor i Çmimeve të Konsumit, që mat ndryshimin e çmimeve në krahasim me të njëjtën periudhë të një viti më parë, arriti në 5.9% në qershor. Kjo është rritja më e lartë në 15 vjet, të paktën që nga viti 2007.
Discussion about this post