Mbi 34 mijë të vdekur nga tërmeti tragjik

Numri i të vdekurve në Turqi dhe Siri pas tërmetit katastrofik të së hënës (6 shkurt) ka shkruar në të paktën 34.179 viktima.

Në Turqi raportohet për 29.605 të vdekur, ndërsa në Siri numri i konfirmuar i jetëve të humbura është 4.574.

Një javë pas tërmetit shkatërrues, ekipet e shpëtimit vazhdojnë kërkimet për të nxjerrë nga rrënojat të mbijetuarit dhe trupat e viktimave.

Ndërkohë autoritetet paralajmëruan se shanset për të gjetur të mbijetuar po bëhen gjithnjë e më të pamundura. Pas 167 orësh nën gërmadha, një burrë u në Antakya, në provincën Hatay të Turqisë jugore. Ndërsa të dielën një 55-vjeçare u nxorrën nga rrënojat pas 159 orësh e bllokuar.

Gjithashtu një e moshuar 85-vjeçare u shpëtua pas 152 orësh e bllokuar. Shefja e Komisionit Evropian, Ursula von der Leyen ka premtuar se do të shtohen ndihmat për Turqinë ndërsa vendi po përballet me pasojat e tërmetit shkatërrues të së hënës së kaluar.

Në një telefonatë me presidentit turk Rexhep Tajip Erdogan ajo u shpreh: “Komisioni do të mobilizojë mbështetje shtesë dhe do t’i përgjigjet kërkesës së fundit të Turqisë për më shumë kapacitet strehimi – në veçanti tenda, batanije, ngrohëse.”

Von der Leyen shprehu “ngushëllimet më të për humbjet e jetëve dhe shkatërrimin e shkaktuar nga tërmeti.”

BE shpreson të mbledhë fonde shtesë për Turqinë dhe Sirinë gjatë një konference donatorësh që do të mbahet në Bruksel në mars.