Mbi 40 minuta kafe në një restorant në Vlorë, Rama dhe vajza e Trump largohen me një makinë drejt Orikumit

Kreu i qeverisë Edi Rama dhe vajza e presidentit të SHBA, Ivanka Trump janë larguar me një makinë drejt Orikumit.

Rama dhe Ivanka, kanë qëndruar prej më shumë se 40 minuta duke konsumuar kafe në një prej restoranteve në Vlorë.

Vizita u zhvillua nën masa të shtuara sigurie, ndërsa më herët në Vlorë mbërriti një tjetër delegacion, ku mendohet se ka qenë një përfaqësues i lartë i SHBA-së.

Rreth orës 10:00 të ditës së mërkurë, Ivanka Trump, vajza e presidentit të Shteteve të Bashkuara, Donald Trump, ka mbërritur në qytetin e Vlorës. Ajo ishte e shoqëruar nga forca të shumta policie dhe kishte një eskortë të madhe gjatë hyrjes së saj në qytet.

Pas mbërritjes, eskorta e Ivanka Trump kaloi në rrugën Transballkanike dhe vazhdoi përgjatë Lungomares, përpara se të drejtohej në zonën e Ujit të Ftohtë, ku u akomodua në një hotel lokal. Ajo qëndroi rreth gjashtë minuta në ambientet e hotelit përpara se të largohej për në Novoselë, pranë Hidrovorit, dhe më pas vazhdoi drejt Zvërnecit. Itinerari i saj përfshinte gjithashtu edhe zonën bregdetare të Porto Novo.

gijotina.com/