Përfundon mbledhja e Kryesisë në selinë e PS të thirrur nga kryeministri Edi Rama.
Kryeministri Edi Rama ka mbledhur këtë të mërkurë, Kryesinë e Partisë Socialiste. Në fokus të takimit janë organizimi politik për procesin zgjedhor që do të kenë strukturat e PS vit.
Në përfundim të mbledhjes, Sekretari i Përgjithshëm i PS Blendi Klosi u shpreh se fokusi ishte te zgjedhjet në strukturat bazë, ndërsa në nëntor do të zgjidhen strukturat qendrore.
Po ashtu shtoi se në darën 21 mars është caktuar një tjetër mbledhje ku diskutimet do të jenë më të përqendruara për të gjitha ata që kanë kontribuuar për partinë, si dhe për anëtarësime të reja.
Klosi po ashtu u shpreh se në fokus të PS do të jetë dhe ngritja e një strukture edhe në diasporë, në vendet sipas tij që PS ka marrë më shumë vota në zgjedhjet e 11 majit.
“Në mbledhjen e datës 21 mars ne do të kemi diskutime dhe do t’i hapur rrugë dhe zgjedhjeve të reja në parti. Me një rivlerësim të të gjithë kontributorëve të PS.
Në këtë proces do të kanalizohet edhe me një dimension të ri, që nga zgjedhjet e kaluara e kemi evidentuar të rëndësishëm, që është partia në diasporë. Shtrirjes së strukturave dhe në degët tona, kryesisht në vendet që kishim numrin me të madh të votave në diasporë”, tha Klosi.
Javën e kaluar Rama zhvilloi një takim me deputetët e qarkut të Tiranës, kryetarët e njësive të PS-së në kryeqytet dhe një pjesë të drejtuesve të bashkisë për të bashkërenduar punën dhe për të dalë në terren.
gijotina.com/
Discussion about this post