Në mbledhjen e përbashkët mes dy qeverive, kryeministri Edi Rama theksoi se bashkëbisedimi me Maqedoninë e Veriut ishte produktiv. Ai nuk la pa përmendur edhe procesin e Ballkanit të Hapur, për të cilin është kritikuar edhe më herët. Sipas tij, infrastruktura dhe ndërveprimi mes dy shteteve është qëllimi parësor i kësaj marrëveshjeje.
“Kemi pasur një mbledhje produktive. Kemi finalizuar 21 akte të dakordësuara në një proces ndërveprimi intensiv. Pjesë e punës organike të qeverive tona që janë në ndërveprim të vazhdueshëm me njëra-tjetrën. Kemi dakordësuar edhe 3 nisma të propozuara nga Artan Grubi që kanë të bëjnë me portin e thatë në Strugë, hapjen e vendkalimit të ri kufitar dhe Korridorin Tetë. Kemi rënë dakord që sa i takon projektit paraprak të portit të thatë, ta marrë përsipër qeveria shqiptare në kuadër të marrëveshjes që ka me kompaninë holandeze.
Lexo edhe: Kovaçevski mirënjohës ndaj Shqipërisë: Na dhatë mbështetje
Besojmë që ne krijojmë një infrastrukturë komplekse në funskion të rritjes së volumit të ndërveprimit mes shteteve tona. Gjë që ka qenë edhe qëllimi parësor dhe mbetet qëllimi parësor i Ballkanit të Hapur, por edhe i Procesit të Berlinit. Takohemi në një moment sfidues për Europën, krahun perëndimor të Rusisë. Pjesë e të cilit jemi dhe ne. Që edhe pse nuk e kemi nisur luftën në Ukrainë, vuajmë pasojat”, tha Rama.
Discussion about this post