Ish-deputeti i Partisë Demokratike, Aldo Bumçi, i ftuar në emisioni “Opinion” foli për ecurinë e mbledhjes së firmave nga anëtarët e PD, që do të çojnë në mbledhjen e Kuvendit Kombëtar të PD.
Ai tha se deri më tani janë mbledhur 50% të firmave vetëm në tre degë të Tiranës dhe 60-90% në të gjitha degët e tjera.
“Kam informacion. Qyteti i Tiranës ka 12 degë 1, 2 dhe me radhë, s’po marrë komunat Paskuqan, Kamzë e kështu me radhë, vetëm Bashkinë e vjetër të Tiranës. Në tre degë jemi rreth 50% dhe po vazhdojmë të mbledhim. Në të gjitha degët e tjera, shkojmë nga 60-90%. Janë shkresa të mbledhura. Këto do të dorëzohen zyrtarisht” – është shprehur Bumçi.
Kujtojmë se Aldo Bumçi nuk doli deputet nga listat e PD në zgjedhjet e 25 prilli. Ai është pozicionuar në krah të Foltores së Berishës, që kur ky i fundit u përjashtua nga grupi parlamentar i Partisë Demokratike.
