Deputeti i Partisë Demokratike Ervin Salianji shprehet se mbledhja e kryesisë së PD-së u bë shumë shpejt.
Sipas tij ky veprim, nxit më shumë përçarjen e PD-së, duke pranuar propozimin e Edi Ramës për t’u ulur në një tryezë për zgjedhjet e presidentit të ri.
“S’ka tagër zëdhënësi për të ftuar. Siç komunikova dje do të bëj të qartë se është tentativë për të pronësuar grupin dhe për të ndarë në dysh PD-në. Çdo përpjekje do bëj. Dje, kam komunikuar me Rithemelimin dhe Alibeajn që të ketë një takim të përbashkët. Po takohet mbledhje me axhitim për të takuar Ramën, sot u tha qartë që nuk duan asnjë emër presidenti konsensual, është kurth. Kam komunikuar me Boçi, i cili ka kërkuar që mbledhja të shtyhet, nuk i është përgjigjur Alibeaj. Qëndrimi i sotëm është personal, nuk përcakton grupin. Ka një axhitim, jo përpjekje për të ulur dhe për të ndarë PD-në. Ka 3 muaj që nuk funksionon grupi dhe gjithçka merret me interes të një personi. Po e ritheksoj se Kryesia mblidhet çdo javë dhe përcakton qëndrimet parlamentare, e jo më për një çështje si presidenti. Kryesia e grupit parlamentar, fakti që po them që kam folur me Alibeajn, kjo tregon që nuk ka diskutim që e njoh apo jo. Jemi në një shpjegim të pashpjegueshëm. Ça shpjegimi ka për të shkuar ku?”, shprehet Salianji.
Discussion about this post