Pasditen e sotme është mbledhur Kryesia e Partisë Demokratike, për të diskutuar rreth situatës ku ndodhet parti. Kryetari i komanduar i Partisë Demokratike, Enkelejd Alibeaj ka shpalosur dy prej drejtimeve ku do të fokusohet aksioni opozitar. Mësohet se gjatë mbledhjes së Kryesisë së PD-së, Alibeaj thotë se një prej drejtimeve të opozitës është “lufta” në Parlament, ndërsa drejtimi i dytë është normalizimi i situatës brenda kampit blu.
“Patëm mbledhje me sekretariatin e partisë për të diskutuar në lidhje me situatën në parti. Se pari, për nesër kemi paraqitur mocion me debat. Është nga shenjat e luftës opozitare. Një nga drejtimet ku duhet të ecë partia, është lufta opozitare në parlament e sinqertë dhe e plotë. Së dyti, kemi situatën tonë ku jemi. Për qëndrimin e mëtejshëm. Pesha për secilin është e madhe. Por duhet që të gjithë bashkë të mendojmë se cilat duhet të jenë hapat, të matur, të sigurt” – është shprehur Alibeaj.
Discussion about this post