Për muajin e 8 radhazi Administrata Tatimore rezulton e dobët në mbledhjen e të ardhurave. Në raportin e publikuar nga Ministria e Financave evidentohet se, të ardhurat nga tatimet ka pësuar një rritje shumë të vogël, që nuk merret në konsideratë si kontribuues në buxhetin e shtetit. Konkretisht, në 8 muaj të ardhurat tatimore kanë akumuluar vetëm 21 miliardë lekë më shumë.
“Të ardhurat tatimore (të ardhurat nga TVSH neto në vend, tatimi mbi fitimin, tatimi mbi të ardhurat personale, taksat nacionale dhe kontributet e mbledhura nga DPT), për 8 mujorin 2021 u realizuan në masën 162.7 miliardë lekë. Pra, 21.1 miliardë ose 14.9% më shumë se 8 mujori i vitit të kaluar. Si dhe 2.4 miliardë lekë, ose 1.5% më shumë se plani i 8 mujorit 2021”, thuhet në raport.
Ky nivel nuk është i mjaftueshëm për të mbushur boshllëqet në buxhet. Kjo mangësi të ardhurash përkthehet në më pak mbështetje për bizneset. Kujtojmë këtu se Administratës Tatimore i është tërhequr vazhdimisht vëmendje për performancë të dobët në mbledhjen e taksave.
E.H/ gijotina.com
