Mbledhja e thirrur nga Bardhi, 40 deputetë konfirmojnë pjesëmarrjen (Emrat) -

Gazment Bardhi, me cilësinë e Kryetarit të Grupit Parlamentar të PD-së, ka thirrur ditën e martë një mbledhje të të gjithë deputetëve të opozitës, me qëllim unifikimin e qëndrimit kundër Qeverisë Rama.

Ndonëse sot në Kuvend, nga Lulzim Basha, u depozitua një kërkesë, përmes të cilës njoftohej se Kryetar i Grupit Parlamentar të PD-së ishte pikërisht ai, ky qëndrim shkaktoi të qeshura, por edhe një reagim të fortë të Gazment Bardhit.

“Kryetarin e Grupit Parlamentar të PD-së nuk mund ta caktojë as Edi Rama, as Erion Veliaj dhe as administrata e Kuvendit”, tha Bardhi, i cili gjithashtu pati disa replika “gjaknxehta” jashtë kamerave me Lulzim Bashën.

E ndërkohë që nga Grupimi i Lulzim Bashës nuk pritet që të ketë deputet pjesëmarrës në mbledhjen e thirrur nga Bardhi, raportohet se kanë konfirmuar pjesëmarrjen 40 ligjvënës të opozitës. Mes emrave që kanë konfirmuar pjesëmarrjen në takim janë edhe Dashamir Shehi nga LZHK, Agron Duka nga PAA, Fatmir Mediu nga PR dhe Vangjel Dule nga PBDNJ.

Gjithashtu pjesëmarrjen e kanë konfirmuar të gjithë deputetët që janë rreshtuar në krah të ish-Kryeministrit Sali Berisha, me përjashtim të Ilda Dhorit, e cila do të mungojë për arsye personale, por mbështet mbledhjen e thirrur nga Bardhi. Gjithashtu tërheq vëmendjen se Agron Shehaj dhe Emilja Koliqi, dy deputetë të PD-së, por edhe Oriola Nebiaj, edhe pse kjo e fundit u shfaq në krah të Lulzim Bashës, në Kuvendin Kombëtar që u thirr prej tij dy ditë më parë.

Kanë konfirmuar pjesëmarrjen