Mbledhja me strukturat e Partisë së Lirisë/ Meta: Tirana, kryeqyteti i pastrimit të parave të mafies

Ish-Presidenti Ilir Meta, drejtues i Partisë së Lirisë, tha se Tirana është kthyer në kryeqytetin e pastrimit të parave të mafies.

Nga ana tjetër, Meta është shprehur se kjo është arsyeja që sot kemi një rritje të çmimeve të apartamenteve në Tiranë dhe kjo është arsyeja pse çiftet e të rinjve po largohen nga Tirana, madje edhe nga Shqipëria.

“Çmimet e qirave në Tiranë janë më të larta se ato në Shkup, sikundër edhe çmimet e çdo shërbimi tjetër, përfshi edhe ushqimet, ndërsa pagat në Shkup janë shumë më të larta se ato në Tiranë. Kjo ndodh edhe krahasuar me Prishtinën, që nga çmimet e qirave, restoranteve, shërbimeve të tjera”.

Së fundmi, ai theksoi se e gjithë kjo ka lidhje me pastrimin e parave në Tiranë nga krimi dhe mafie, por edhe nga korrupsioni i lartë që ka në kryeqytetin shqiptar.