Rikthehet në Kuvend pas një kohe mungesë ish-kryetari i Partisë Demokratike Lulzim Basha. Shkak për këtë është bërë mbledhja e përbashkët Shqipëri- Kosovë.
Basha shihet i ulur bashkë me ligjvënës të tjerë të Partisë Demokratike dhe kolegë nga Kosova ndërsa në Parlament sapo ka nisur seanca e përbashkët në prag të 110-vjetorit të Pavarësisë.
Po ashtu, Basha ka ndarë në llogarinë e tij në Twitter edhe një selfie nga salla.
“Nisim sot mbledhjen e parë të përbashkët të Kuvendit të Shqipërisë dhe Kuvendit të Kosovës. Një moment i bukur dhe emocionues në prag të ditës së Pavarësisë dhe themelimit të Shtetit shqiptar,” shkruan Lulzim Basha në postimin e tij.
Kujtojmë se Basha ka munguar kryesisht në seancat plenare që prej daljes së informacioneve se PD kur drejtohej nga ai ka marrë financime nga Rusia. Ish-kryedemokrati ka qenë prezent për herë të fundit në Parlament një mesnatë për të votuar.
Nisim sot mbledhjen e parë të përbashkët të Kuvendit të Shqipërisë dhe Kuvendit të Kosovës. Një moment i bukur dhe emocionues në prag të ditës së Pavarësisë dhe themelimit të Shtetit shqiptar ???? pic.twitter.com/Kmbn0FxoFE
— Lulzim Basha (@lulzimbasha_al) November 27, 2022
Discussion about this post