Bordi i Transparencës do të mblidhet sërish këtë të hënë për të caktuar çmimin e hidrokarbureve në vend. Herën e fundit çmimi i karburanteve ndryshoi më 16 mars, ku u vendos që deri ditën e sotme çmimi i naftës të jetë 203 lekë/ litri, kurse i benzinës 206 lekë/ litri. Ndërsa çmimi i gazit ka mbetur i pandryshuar në 93 lekë për litër.
Vendimi për të mbledhur një Bordit të Transparencës erdhi pas një rritjeje të fortë të çmimit të karburanteve disa ditë më parë në treg duke kapur çmimin maksimal në 270 lekë/ litri si për naftën ashtu edhe për benzinën.
Megjithëse çmimi i naftës në bursa ka rënë djeshëm duke arritur në 97 dollarë për fuçi, ulja në vendin tonë po reflektohet shumë ngadalë. Nëse do të krahasonim periudhat dhe çmimin e naftës në bursa, do të duhej që ai të zbriste nën 200 lekë/ litri në Shqipëri për të parë një stabilizim të situatës.
Discussion about this post