Komisioni Hetimor për shkarkimin e Presidentit Ilir Meta është mbledhur sërish këtë të premte.
Kujtojmë se nisma për shkarkimin e Metës është firmosur nga 50 deputetë të PS, të cilët argumentojnë se Presidenti ka shkelur rëndë Kushtetutë para, gjatë dhe pas fushatës elektorale të 25 prillit.
Mbledhja ka nisur me raportimin e ekspertëve ligjore të kontraktuar nga Kuvendi për këtë qëllim. Kujtojmë se në mbledhjen e kaluar, Komisioni i dha Metës afat deri të hënën e ardhshme që të vendosë dhe të vijë kur të dojë.
Duke iu referuar rasteve në vende të tjera, eksperti ligjor Erind Mërkuri tha se nuk ka asnjë justifikim që Presidenti të shkelë neutralitetin në një fushatë elektorale.
Sipas tij nuk duhet të ulë autoritetin e institucioneve të tjera dhe gjuha e tij duhet të jetë korrekte. Në formulën e betimit thuhet se ai duhet t’i bindet ligjeve.
Komisioni Hetimor i ngritur për shkarkimin e presidentit Ilir Meta, është parashikuar që të japë vendimin më datë 13 korrik.
