Kuvendi i Kosovës do të mblidhet sot në orën 11:00 në dy seanca të ndryshme.
Në seancën e parë pritet të votojë disa pika të diskutuara dhe miratuara në seancën e kaluar, ndërsa në 12:00 do të nisë një seancë e re.
Në seancën e re, pas deklarimeve jashtë rendit të ditës dhe pyetjeve parlamentare Kuvendi do të shqyrtojë në lexim të parë Projektligjin për mbrojtjen e ajrit nga ndotja, si dhe atë për mbeturinat nga industritë nxjerrëse të mineraleve.
Pika e fundit e rendit të ditës së kësaj seance do të jetë shqyrtimi i Propozim-vendimit të Qeverisë së Kosovës për emërimin e drejtorëve të Bordit të Agjencisë Kosovare të Privatizimit.
