Këtë të hënë pritet që të mblidhet Kuvendi, ku do të diskutohet gjerë e gjatë lidhur me buxhetin e vitit të ardhshëm. Diskutimet në parim për projektligjin më të rëndësishëm “Për buxhetin e vitit 2022”, siç ndodh zakonisht do t’i nënshtrohen një seance maratonë që do të nisi në orën 10:00 për të vijuar dhe të martën e 16 nëntorit.
Projekt buxheti dhe draftet e propozuara kanë bërë jehonë në media dhe në debatet politike për shkak të përplasjeve të vazhdueshme mes opozitës dhe mazhorancës lidhur me një sërë sektorësh.
Pandemia dhe tërmeti i dy viteve më parë, për mazhorancën do vijojnë të kenë “peshë” dhe në vitin e ardhshëm, ku iu bashkohet dhe kriza energjetike që ka përfshirë disa vende të botës.
Ndonëse mazhoranca lobon një progres ekonomik të vendit, borxhi publik ka arritur në 80%, por lidhur me këtë po qeveria ka premtuar se do ta ul në 78.9%, ndërsa mënyrën se si do e kuptojmë të hënën e në vazhdim.
Shpenzimet parashikohet të shkojnë në favor të disa investimesh publike të papërfunduara nga vitet e shkuara, në rindërtim, pandemi dhe dhe projekte të tjera infrastrukturore në ndërtimin e rrugëve, aeroporteve, investime në ujësjellës kanalizime si dhe në sektorë të tjerë.
Gjithashtu, projektbuxheti 2022 parashikon rritje të pagave për arsimtarët e mjekët, si dhe indeksim të pensioneve. Mbështetja e këtyre projekteve që do të miratohen në Kuvend, do të bëhet dhe nga eurobondi që shteti ynë do të marrë në tregjet ndërkombëtare.
Për herë të parë Shqipëria në vitin 2010 nisi marrjen e Eurobondit me vlerë 300 milion euro. Pesë vite më vonë shuma e marrë nga tregjet ndërkombëtare shkoi në 450 milion euro. Eurobondi i tretë pësoi rritje krahasuar me dy Eurobondet e mëparshme duke shkuar në 500 milion euro. Ndërkohë Eurobondi i një viti më parë shkoi po me rritje në 650 milion euro për tu përsëritur në një vlerë të shtuar në 700 milion këtë vit.
Në bazë të njoftimit të kuvendit seancë do të mblidhet të hënën e 15 nëntorit dhe do të vazhdoje edhe në datën 16 nëntor deri në miratimin në parim të buxhetit. Buxheti për vitin e ardhshëm është në masën 537 miliardë lekë.
Discussion about this post