Më 22 prill në qytetin e Lezhës, tre fëmijë të komunitetit rom rrezikuan jetën pasi u përplasën nga një automjet gjatë kohës që po qarkullonin me tricikël pas mbledhjes së skrapit. Si pasojë njëri prej tyre për shkak të plagëve të marra ndodhet në gjende të rënduar shëndetësore. Fëmija ka nevojë për ndërhyrje kirurgjikale por familja nuk ka mundësi financiare t’i përballojë ato. Të gjendur në vështirësi ekonomike dhe në pamundësi për të siguruar shumën e lekëve familjarët kërkojnë ndihmën e qytetarëve.
“Kalamajtë pësuan aksident se kanë dalë me triçikël për të mbledhur kanaçe dhe hekura për copën e bukës. Djali tjetër është shumë keq. Ka thyer këmbën, ne kërkojmë që të na ndihmojnë se të ardhme nuk kemi nga askush” – është shprehur një nga familjarët.
Për fat të mirë dy fëmijët e tjerë e aksidentuar e kanë kaluar rrezikun për jetën edhe pse vijojnë të ndodhen nën kujdesin e mjekëve në spital. Për shumë familje të komunitetit rom në Lezhë mbledhja e skrapit është e vetmja mënyrë për sigurimin e bukës së përditshme. Jo pak herë rrezikojë jetën për shkak të pasigurisë në punë apo edhe mjeteve më të cilat qarkullojnë.
Discussion about this post