Mbretëresha Elizabeth do të ketë një takim në qershor me Presidentin e SHBA Joe Biden.
Sipas informacioneve, vizita do të jetë pjesë e udhëtimit të Presidentit Biden në Mbretërinë e Bashkuar për Samitin e G7 të muajit tjetër. Ai do të shoqërohet nga Zonja e Parë Jill Biden.
CNN thotë se Pallati Buckingham dhe Shtëpia e Bardhë janë duke përfunduar detajet e vizitës dhe do të bëjnë një njoftim.
Presidenti i SHBA do të marrë pjesë në Samitin e G7 në 11-13 qershor në Cornëall, pasuar nga Samiti i Liderëve të NATO-s në Bruksel në 14 qershor.
Ai është planifikuar gjithashtu të takohet me presidentin rus Vladimir Putin në 16 qershor në Zvicër.
Joe Biden mori detyrën në janar dhe do të jetë presidenti i 13-të i SHBA, që do të takohet me Mbretëreshën.
Presidenti i parë që Mbretëresha Elizabeth II takoi ishte Harry Truman në 1951 (Presidenti i 33-të i Shteteve të Bashkuara), megjithëse ajo ishte një princeshë në atë kohë dhe u ngjit në fron vitin e ardhshëm.
I vetmi president që nuk ka takuar ishte Presidenti i 36-të Lyndon Johnson, i cili nuk vizitoi Britaninë gjatë mandatit të tij.
Takimi i fundit i Mbretëreshës me Presidentin e SHBA ishte me Donald Trump dhe ish Zonjën e Parë Melania Trump në korrik 2018.
