Monarkja më jetëgjatë në Britani mbylli sytë përgjithmonë pasditen e 8 shtatorit duke lënë pas një trashëgimi të pasur lidershipi.
Trupi i Mbretëreshës la kështjellën Balmoral ditën e djeshme për të nisur udhëtimin e fundit drejt kryeqytetit të Skocisë Edinburgh. Trupi i saj udhëtoi nëpër qytetet e Skocisë ndërkohë që mijëra njerëz dolën në rrugë për ti dhënë lamtumirën e fundit monarkes që dhe në kohë sfidash e mbajti Skocinë e bashkuar brenda Mbretërisë së Bashkuar. Trupi i Mbretëreshës Elisabeth II gjatë ditës së sotme do të qëndrojnë në Katedralen e Shën Giles ku populli do të kryejë nderimet.
Por ndërkohë që Mbretëresha përshkon rrugën e saj të fundit në vendin që i kushtoi jetën Mbreti i ri Charles III ka nisur rrugëtimin e fillimit të të qenurit monark në monarkinë më të diskutuar dhe dominuese të botës.
Mbreti i ri pas betimit dhe marrjes zyrtarisht të detyrës ka nisur tour-in e tij të takimeve në Mbretërinë e Bashkuar dhe vendet e Komonuelthit ku ai njihet si Kreu i Shteti. Sot ai ishte krah vëllezërve dhe motrës së tij për të nderuar trupin e Mbretëreshës, ai u pa i veshur me rroba ushtarake siç e do protokolli mbretëror ndërkohë që dukej i pikëlluar.
Ai këtë pasdite do të zhvillojë një takim me kryeministren e Skocisë dhe kryetarin e Parlamentit.
Mbretëresha Elisabeth II mbylli sytë përgjithmonë pasditen e 8 shtatorit. Ajo ishte vendosur në kështjellën Balnmoral në Skoci pas probleme shëndetësore. Pasi mjekët konstatuan rëndimin e gjendjes shëndetësore familja mbretërore nxitoi për t’i dhënë lamtumirën e fundit monarkes më jetëgjatë dhe gruas që për dekada me rrallë frymëzoi botën. Mbretëresha Elisabeth do të mbahet mend gjatë nga të gjithë pasi me qartësinë dhe diplomacinë e saj vendosi respekt edhe aty kur dikur Mbretëria e Bashkuar shihej si okupatore dhe kolonizuese. Në nder të saj është vendi do të mbajë 17 ditë zie kombëtare.
Discussion about this post