Mbreti Charles III ka bërë vizitën e tij të parë në Parlament si monark, me deputetë dhe kolegë që i kanë shprehur ngushëllimet e tyre atij dhe bashkëshortes së Mbretëreshës.
Charles III u shpreh se lidhjet me “nënën e tij të dashur të ndjerë” janë evidente edhe në Parlament i cili është “instrumenti i gjallë dhe i frymëmarrjes” i demokracisë së kombit. Në një ceremoni në Westminster Hall, ndërtesa më e vjetër, Charles përdori fjalimin e tij në dhomat e sipërme dhe të poshtme të parlamentit për të nderuar nënën e tij dhe për t’u zotuar se do të mbështeste parimin e qeverisjes kushtetuese.
“Ndërsa jam sot para jush, nuk mund të mos ndiej peshën e historisë që na rrethon dhe që na kujton traditat jetike parlamentare të cilave i përkushtohen deputetët e të dy dhomave. Zotët e mi dhe anëtarët e Dhomës së Komunave ne mblidhemi sot në kujtim të hapësirës së jashtëzakonshme të shërbimit të përkushtuar të Mbretëreshës ndaj kombeve dhe popujve të saj. Ndërsa ishte shumë e re, Madhëria e saj e ndjerë u zotua t’i shërbejë vendit dhe popullit të saj dhe të ruajë parimet e çmuara të qeverisjes kushtetuese që qëndrojnë në zemër të kombit tonë. Këtë zotim ajo e mbajti me përkushtim të patejkalueshëm”, ka thënë mbreti Charles III.
Anëtarët e parlamentit i kënduan Charles në Westminster Hall “God Save the King” përpara se Mbreti të nisej për në Edinburg ku arkivoli i mbretëreshës prehet në në katedralen historike të qytetit.
Charles, 73 vjeç, u bë automatikisht mbret i Mbretërisë së Bashkuar dhe 14 mbretërive të tjera duke përfshirë Australinë, Kanadanë, Xhamajkën, Zelandën e Re dhe Papua Guinenë e Re, pas vdekjes së Mbretëreshës Elizabeth të enjten e kaluar.
Në Westminster Hall, ligjvënësit nga Dhoma e Komunave dhe Dhoma e Lartë e Lordëve shprehën ngushëllimet e tyre për vdekjen e nënës së tij. Mbreti Charles III pasi përfundoi fjalimin e tij, himni kombëtar u luajt në Westminster Hall. Funerali i Mbretëreshës do të mbahet në Westminster Abbey të hënën më 19 Shtator.
Discussion about this post