Njëri nga futbollistët e Arsenalit, ka deklaruar në rrjetin e tij social se koha e tij me klubin nga veriu i Londrës ka përfunduar.
Duke postuar në Instagram, Zach Awe tha: “Koha ime në Arsenal ka marrë fund. Unë do të doja të falënderoja lojtarët dhe stafin që më kanë mbështetur gjatë gjithë rrugëtimit tim në Arsenal.
“Gjatë 10 viteve të mia në klub kam mësuar shumë për veten time si lojtar dhe person.
“Megjithatë, ndjej se është koha ime për të ecur përpara dhe jam i emocionuar për udhëtimin përpara”.
Qendërmbrojtësi 19-vjeçar iu bashkua akademisë së Topçinjve në vitin 2012 dhe përparoi në skuadrat e të rinjve të klubit përpara se të lirohej këtë verë pa bërë një paraqitje të lartë për skuadrën e Mikel Artetës.
Awe e kaloi sezonin e kaluar duke luajtur për U-21 të Arsenalit në Premier League 2 dhe në EFL Trophy, duke bërë 27 paraqitje në të gjitha garat.
Ai tani është i vendosur të bashkohet me Southampton dhe pritet të nënshkruajë një kontratë trevjeçare në St Mary’s./Tribuna
Discussion about this post