Mediat hungareze kanë bërë një intervistë të veçantë përpara ndeshjes së përfaqësueses së tyre me Shqipërinë.
Ata kanë zgjedhur të intervistojnë dy emra shumë të rëndësishëm të ekipit të Ferencvarosit Myrto Uzunin nga përfaqësuesja jonë dhe Endre Botka nga skuadra kundërshtare.
Teksa është pyetur nëse do zgjidhte më mirë të merrte karton të kuq e të ndalet Uzunin para portës apo ta linte shqiptarin të vepronte, mbrojtësi ka thënë se nuk do dëshironte të humbiste asnjë takim të përfaqësueses së vendit të tij, por shtoi se sulmuesi ‘kuqezi’ është shumë i rrezikshëm, ndaj do preferonte kartonin.
Kush e fiton duelin Botka-Uzuni në stërvitjet e Ferencvaroshit?
Në shumicën e kohës falënderoj Zotin që luajmë bashkë (qesh). Zakonisht, ne jemi në të njëjtën skuadër dhe nëse takohemi si kundërshtarë sigurisht që Myrto do ta tregojë veten në anën tjetër. Por le të themi se për sa kohë do të përballemi me njëri-tjetrin, topi do të jetë i imi.
A është shoku juaj shqiptar i skuadrës një lojtar i mirë?
Po. Ai ka një potencial të madh dhe nuhatës goli. Në një mënyrë a tjetër ai del para portës duke përfituar nga situatat dhe duke finalizuar. Për të mos përmendur pastaj që shpesh ndihmon ekipin edhe në fazën mbrojtëse.
Nëse në minutën e 93-të Uzuni shkon drejt portës dhe ju duhet ta ndaloni, diçka që mund t’iu penalizojë ju dhe skuadrën. Çfarë do të bënit?
Jam i vetëdijshëm që e kam një karton të verdhë. Nuk dua të marr një tjetër përballë Shqipërisë. Ruhem që pas ndeshjes me San Marinon dhe nuk dua ta humbas ndeshjen tjetër. Por nëse nuk do të kisha mundësi tjetër pa ndërhyrje të parregullt, nuk do të shmangesha. Ky është futbolli, ky është ekipi kombëtar, këtu interesi i skuadrës vjen para së gjithash. Nëse do të marr të kuqin do e bëj për ekipin, qëllimi është të fitojmë.
Rikujtojmë se mbrëmjen e sotme në orë 20:45 Kombëtarja shqiptare do të përballet në transfertë me Hungarinë në një prej takimeve më vendimtare për vazhdimësinë e rrugëtimit për në ‘Qatar 2022’./K.T/Gijotina.com
