Kukësi mori një barazim shumë të rëndësishëm ndaj Partizanit në fundjavë në “Air Albania”. Verilindorët vijojnë performancat e mira këtë edicion ndërsa së fundmi mbrojtësi i krahut të majtë, Edison Ndreca ka folur në vigjilje të përballjes me Vllazninë. Ai ka theksuar se nuk e tremb aspak sulmi i ekipit shkodran që shpesh herë këtë edicion është treguar i pamëshirshëm ndaj rivalëve.
“Mendoj që do të jetë një përballje e bukur, edhe për faktin se do të ndeshemi me një ekip që luan hapur si ne. Ndaj, mendoj që do jetë njëkohësisht një ndeshje e bukur dhe me emocion.
Jo, jo. Ne nuk na tremb asnjë kundërshtar. Ne trembemi vetëm nga vetja jonë dhe mendoj se kemi ekipin më të mirë se çdo ekip tjetër.
Kemi hyrë në këtë kampionat për të mos bërë llogari. E kemi përmendur shpesh që më e rëndësishme për ne është ndeshja e radhës. Llogaritë do të bëhen vetëm në fund të kampionatit, e rëndësishme është që ne të bëjmë maksimumin në çdo ndeshje dhe të tjerat vijnë vet pastaj”, theksoi Ndreca.
