Një agjent i Shërbimit Sekret që mbron mbesën e presidentit amerikan Joe Biden hapi zjarr ndaj të dyshuarve që tentonin të thyenin një automjet qeveritar të dielën.
Agjentët, të caktuar për të mbrojtur Naomi Biden , ishin jashtë me të në lagjen Georgetoën të dielën vonë në mbrëmje, kur panë tre personat duke thyer një dritare të SUV-së të parkuar.
Një nga agjentët hapi zjarr, por askush nuk u qëllua nga të shtënat, tha Shërbimi Sekret në një deklaratë, ndërsa tre personat u panë duke ikur me një makinë të kuqe.
“Incidenti po hetohet nga Departamenti i Policisë Metropolitane të DC dhe Shërbimi Sekret,” tha shërbimi në një deklaratë.
Makina ishte e parkuar jashtë shtëpisë së mbesës së Presidentit Biden, sipas burimeve anonime të cituara nga mediat amerikane. Ajo nuk ishte me agjentët kur ndodhi incidenti, megjithëse agjentët ishin në detyrë.
Nuk ka asnjë provë që të tregojë se të dyshuarit e dinin se automjeti ishte pjesë e një detaji mbrojtës për mbesën e zotit Biden.
Naomi Biden është vajza e Hunter Biden dhe ish-gruas së tij Kathleen Buhle dhe mbesa e madhe e presidentit.
Uashingtoni ka parë një rritje të konsiderueshme të numrit të vjedhjeve të makinave këtë vit. Policia ka raportuar më shumë se 750 grabitje makinash këtë vit dhe më shumë se 6,000 raportime për automjete të vjedhura.
Discussion about this post