GJKKO ka dënuar me 140 vite burg grupin e personave të arrestuar në 9 Janar të vitit të kaluar në kuadër të operacionit “Gjergova” në Skrapar.
Në kohën që u krye operacioni, midis tyre ishin edhe katër policët që shpërdoruan detyrën duke dekonspiruar operacionin anti-drogë.
Në kohën e arrestimit, prokurorët Vladimir Mara dhe Altin Dumani i qëndruan kërkesës për 16 arreste në burg, ndërsa pjesa tjetër detyrim paraqitje e arrest shtëpie.
Të përfshirët në operacionin e organizuar kishin krijuar një skemë, sipas së cilës, pasi policët njoftonin trafikantët, këta të fundit shkulnin kanabisin brenda natës e kur policia shkonte për kontroll gjente vetëm gropa bosh. Kjo binte ndesh edhe me monitorimet e Guardia di Finanza, pasi kjo e fundit fotografonte parcelat me drogë. Madje ka dyshime se policët u vidhnin drogën trafikantëve.
Pas një hetimi 7 mujor, u faktuan 16 episode kultivimi e trafikimi droge në Skrapar, duke filluar nga 20 gushti 2020 deri më 17 shtator 2020.
Gjatë hetimit të këtij procedimi penal u sekuestruan gjithsej 5045 bimë narkotike të llojit “cannabis sativa”, si dhe janë sekuestruar 176 kg lëndë narkotike e paketuar në gjendje të thatë, e gatshme për t’u trafikuar.
Ishte SPAK që lëshoi 23 urdhër arreste, ndër të cilët edhe efektivë policie dhe zyrtarë, të cilët akuzohen për pastrim parash dhe për kultivim kanabisi.
Te akuzuar per kultivimin: Arben Lekli 15 vite burg, Sefedin Doka, Alban Bendo dhe Fatjon Beshiri me 12 vite burg, Anxhela Beshiri me 10 vite burg, Esmeraldi Kaposhi, Selfo Kaposhi, Zylyftar Zhurda, Ilda Ballo, Olgert Dusho, Elson Dusho dhe Teki Dusho me 6 vite burg. Fuat Dusho me 5 vite burg, Enver Muçaj me 1 vit burg, Altin Sula dhe Redian Shimi 6 vite burg, Ilir Shimi 5 vite burg.
Ndërësa zyrtarët e akuzuar per “Shpërdorim detyre”: Astrit Duro, Bardhyl Cela, Edmond Zotkaj dhe Fatos Lamaj me 2 vite burg.
Discussion about this post