Një grup prej 23 personash që mbushën Skraparin me kanabis kanë marrë ditën e sotme dënimin nga Gjykata e Posaçme.
Mësohet se mes të dënuarve janë 4 zyrtarë lokal, 2 efektivë policie dhe 2 zyrtarë të njësive administrative.
Gjykata ka dënuar me 74 vite burg të gjithë të dënuarit, të cilët akuzohen për kultivimin e 28 parcelave me kanabis në Skrapar përgjatë vitit 2020. Personi që konsiderohet si kreu i grupit Arben Lekli është dënuar me 8 vite burg, ndërkohë që të tjerët kanë marrë dënime me nga 4 dhe 6 vite burg.
Arben Lekli u konsiderua si koka e grupit. Madje, ai u tha se kishte mbërritur nga Durrësi në Skrapar për të realizuar aktivitetin e tij kriminal. Aktivitetit të tij iu bashkëngjiten edhe disa punonjës policie dhe zyrtar lokalë, ndërsa grupi prej 23 personash u konsiderua si grupi që mbush Skraparin më drogë.
Discussion about this post