Mbushi pyllin me kanabis, arrestohet në flagrancë 50-vjeçari në Memaliaj

Një 50-vjeçar me iniciale S.K është arrestuar në flagrancë nga policia në Memaliaj, me akuzën e kultivimit të lëndëve narkotive.

50-vjeçari, banues në fshatin Zhulaj dyshohet si autor kryesor i kultivimit të bimëve narkotike. Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, shërbimet e Stacionit të Policisë Memaliaj, si rezultat i kontrollit të imtësishëm të territorit, bazuar dhe në informacionet e siguruara në rrugë policore, në kuadër të operacionit policor të koduar “Autumn”, në një zonë të pyllëzuar, në fshatin Zhulaj, Memaliaj, kanë gjetur të kultivuara bimë të dyshuara narkotike cannabis sativa.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprën penale “Kultivimi i bimëve narkotike”.