Prokuroria e Posaçme ka kërkuar 3 vite burg për ish-kreun e kadastrës Berat Ervin Nelaj. Zyrtari akuzohet për korrupsion në miratimin e lejeve të ndërtimit.
SPAK ka depozituar këtë kërkesë në Gjykatë me arsyetimin bazuar tek hetimet se Nelaj, ka marrë para për legalizimin e objekteve informale .
“Pas hetimeve 9 mujore, SPAK ka dalë në përfundim se janë krijuar dyshime të arsyeshme të bazuara në prova se shtetasi Ervin Nelaj, në cilësinë e Drejtorit të Drejtorisë Vendore të Agjensisë Shtetërore të Kadastrës, Berat, në bashkëpunim me punonjës të tjerë në këtë institucion, kanë marrë në disa raste përfitime monetare të parregullta, me qëllim për të kryer veprime që lidhen me detyrën e tyre, për legalizimin e objekteve informale dhe regjistrimin e titujve të pronësisë. Nelaj dyshohet se gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit”, njofton SPAK.
Po ashtu SPAK argumenton se Nelaj duhet të vuajë 3 vite burg pasi zyrtari ka kryer regjistrimin e titujve të pronësisë. Si dhe ka kryer veprime korruptive bashkë me zyrtarë të tjerë.
