Kanë përfunduar shtatë nga tetë takimet për raundin e 1/8-ave të Kupës së Shqipërisë, teksa në orën 16:45 do të luhet edhe takimi i fundit derbi midis Dinamos dhe Tiranës.
Teuta ka bërë detyrën në transfertë ndaj Korabit, duke fituar me shifrat minimale 0-1. Golin për durrsakët e shënoi Vila në minutën e 42-ë, teksa fraksioni i dytë i këtij takimi u mbyll pa gola.
Laçi po ashtu ka mundur të marrë një tjetër fitore, duke treguar në këtë mënyrë edhe rezultatet e punës së trajnerit Josa. Kurbinasit mundën Tomorin e Beratit me shifrat 0-1 në transfertë dhe goli i vetëm u shënua nga Ademi në minutën e 32-ë të takimit.
Ndonëse Besëlidhja konsiderohet si ‘macja e zezë’ për Partizanin, ‘Të kuqtë’ e kryeqytetit e mbyllën takimin e këtij raundi me fitoren minimale 0-1 në transfertë. Me golin që u shënua në minutën e 10 të ndeshjes nga Junior.
Befasuese ka qenë sfida midis Egnatias dhe Kukësit, e konsideruara si ‘Hirushja’ e këtij sezoni të Superligës, ekipi nga Rrogozhina ka shkatërruar në ndeshjen për Kupën skuadrën e Verilindorëve.
Vendasit fituan me rezultatin 3-1, me golat që për ta i shënuan Imeri në minutën e 3’, ndërsa Pedro realizoi dopietë, me një gol në minutën e 37’, teksa në të 65-ën realizoi sërish.
Kukësi nga ana tjetër qëlloi vetëm një herë te porta e kundërshtarëve në minutën e 67 me anë të Ndrecës.
Kampionët ende në fuqi të Kupës së Shqipërisë, Vllaznia ka fituar në transfertë ndaj Skënderbeut me rezultatin 0-2. Ishte Hoxhaj ai i cili kaloi në avantazh shkodranët në minutën e 2 të lojës dhe më pas Mustedanagic dyfishoi rezultati e ‘Kuqebluve’ në minutën e 64-ët.
Teksa dy ndeshjet e tjera ajo midis Bylisit e Skënderbeut dhe Flamurtarit e Kastriotit u mbyllën me barazim. Këta të fundit u ndanë me porta të pastra pra me rezultatin 0-0 , pasi nuk mundën të shënonin në këtë takim.
Teksa Bylisi me Skënderbeun u ndanë me shifrat 1-1, për vendasit shënoi Hadroj që në minutën e parë, teksa për korçarët golin e vetëm e shënoi Agnaldo në minutën e 84-ët./K.T/Gijotina.com
Discussion about this post