Komisioni i Organizimit dhe Kontrollit të Operacioneve Elektorale të Partisë Demokratike ka mbajtur ditën e sotme procesin zgjedhor për Kryetar dege të PD në Roskovec.
Në përfundim të këtij procesi mes dy kandidatëve, Emels Xhaxhaj dhe Kevin Cjapi, fitues ka dalë Xhaxhaj me 297 vota, ndërsa Cjapi ka marrë 16 vota, ndërkohë vota të pavlefshme, pas verifikimeve nuk ka dalë asnjë.
Anëtarët e PD kanë zgjedhur për herë të parë kreun e ri të degës në bazë te parimit një anëtar një votë, ndërsa më parë kreu i partisë zgjidhej nga delegatët.
Roskoveci është dega e tretë që zgjodhi kryetarin e ri pas Mallakastrës dhe Fierit, ndërsa është shtyrë procesi për Lushnjën dhe pritet zgjedhja e kreut të ri në Patos dhe Divjakë.
Discussion about this post