Një problem serioz me radio-frekuencat e komunikimit ka shkaktuar kaos në hapësirën ajrore të Greqisë, duke detyruar Shërbimi i Aviacionit Civil i Greqisë të lëshojë një udhëzim zyrtar për pezullimin e fluturimeve.
Sipas njoftimeve zyrtare, pezullimi për shkak të defekteve teknike në frekuencat e komunikimit do të vijojë “deri në njoftim të mëtejshëm”. Si pasojë, kapaciteti i fluturimeve është reduktuar ndjeshëm në të gjithë vendin.
Fillimisht janë lejuar të vazhdojnë fluturimet që ndodheshin tashmë në ajër, por aktualisht nisjet janë bërë pothuajse të pamundura, veçanërisht nga aeroporti kryesor i Athinës, Eleftherios Venizelos, i cili po ndikohet më shumë për shkak të volumit të lartë të trafikut në këto ditë të ngarkuara.
Problemet kanë prekur edhe aeroportet rajonale, ndërsa disa fluturime në ajër po devijohen drejt aeroporteve alternative. Autoritetet u bëjnë thirrje pasagjerëve të kontrollojnë statusin e fluturimeve dhe të ndjekin udhëzimet e linjave ajrore deri në rikthimin e plotë të shërbimeve.
Discussion about this post