Ka përfunduar me barazimin 1-1 ndeshja midis Egnatias dhe Vllaznisë që u luajt në Rrogozhinë.
Ishin vendasit ata që kaluan të parët në avantazh në minutën e 16 të kësaj sfide përmes golit të Isenit. Ekipi i Rrogozhinës tregoi një potencial të madh gjatë kësaj pjese të parë, duke parë mobilizimin e shkodranëve.
Ndeshja vazhdoi me këtë rezultat deri në minutën e fundit, pra të 45-ën kur Latifi shënoi golin e barazimit për ‘Kuqeblutë’ nga pika e bardhë e penalltisë.
Pjesa e dytë e këtij takimi solli disa raste nga të dyja skuadrat, por pa rezultat. Ky fragment nuk solli më gola, duke bërë që të ndeshja të përfundonte me barazimin 1-1 dhe të dyja ekipet u ndanë me nga një pikë.
Ndeshja që u zhvillua në ‘Arena Egnatia’ uli edhe siparin e javës së tetë të Superligës, ndërsa këto ekipe vijojnë të qëndrojnë Vllaznia në vend të pestë e Egnatia në vend të gjashtë, por tashmë me nga 10 pikë secili prej tyre./K.T/Gijotina.com
Discussion about this post