Kroacia e ka mbyllur në avantazh 2-1 pjesën e parë ndaj Marokut, takim ky që vlen për të përcaktuar skuadrën e tretë më të mirë të Kupës së Botës në Katar.
Fillimisht kaluan në avantazh ballkanasit në minutën e 7-të me anë të Josko Gvardiol. Ivan Perisic gjuan topin nga goditja e lirë, dhe Gvardiol bën një super gol duke mposhtur Bonon.
Kundërpërgjigja e afrikanëve erdhi vetëm dy minuta më pas, teksa Achraf Dari barazoi rezultatin. Sulmuesi gjen topin dhe realizon një goditje të ëmbël me kokë që shkon poshtë në shtyllën e djathtë.
Ndërkohë në fundin e fraksionit të parë të lojës Kroacia do të kalonte sërish në avantazh. Një top i ardhur në këmbët e Orsic, ky i fundit ka bërë një goditje të bukur ku topi ka përfunduar në krahun e majtë të portës, i pamundur për t’u pritur nga portieri i Marokut.
Discussion about this post