Është mbyllur me rezultatin 0-0 pjesa e parë e gjysmëfinales së Kupës së Botës 2026 mes Anglisë dhe Argjentinës, në një sfidë të luftuar në stadiumin e Atlantës.
Dy kombëtaret zhvilluan një pjesë të parë me ritëm të lartë dhe shumë duele në mesfushë, por pa arritur të gjejnë rrugën e rrjetës.
Anglia u përpoq të rrezikonte me Morgan Rogers, Jude Bellingham dhe Harry Kane, ndërsa Argjentina u mbështet te krijimtaria e Lionel Messit dhe lëvizjet e Julian Alvarez.
Rasti më i mirë për ekipin e Lionel Scalonit erdhi në minutën e 39-të, kur Enzo Fernandez provoi me një goditje të fuqishme nga distanca, por topi përfundoi pak mbi traversë.
Ndeshja u karakterizua edhe nga loja e fortë, me arbitrin Ismail Elfath që ndëshkoi me karton të verdhë Elliot Anderson te Anglia dhe Lisandro Martinez te Argjentina.
Pas 45 minutave të para, gjithçka mbetet e hapur, ndërsa pritet që pjesa e dytë të sjellë më shumë emocione dhe të përcaktojë skuadrën që do të sigurojë biletën për finalen e madhe të Botërorit.
Discussion about this post