Mbyllet pjesa e parë në “Loro Boriçi”, Vllaznia në avantazh minimal ndaj Skënderbeut

Ditën e sotme po luhen ndeshjet e radhës për javën e 13-të të Superligës me Vllazninë dhe Skënderbeun që janë në kërkim të tre pikëve.

Pjesa e parë në “Loro Boriçi” është mbyllur me avantazhin minimal të shkodranëve, me golin e Hoxhajt në minutën e 23-të. Hoxhaj tentoi sërish të dysfishonte rezultatin në minutën e 32-të nga distanca, por nuk ia doli të gjente kuadratin.

Në minutën e 17-të korçarët humbën një mundësi të mirë për të shënuar, pasi Berisha dhe Mensah nuk u kuptuan mirë në zonën e kundërshtarit.

Vllaznia ështëaktualisht në vendin e tretë në kërkim të tre pikëve të radhës për të mbajtur ritmin e kryesuesve të Tiranës dhe për t’u afruar me Kukësin e vendit të dytë.

Ndërkohë, Skënderbeu ndodhet në vendin e tetë dhe i duhen vetëm tre pikë për t’u larguar nga zona e mbijetesës.