Shqipëria e mbylli me avantazhin minimal 1-0 pjesën e parë ndaj Kroacisë, ndeshje e vlefshme për grupin B të Euro 2024.
Shqipëria bëri një ndeshje të mirë që në minutat e para duke u treguar luftarake dhe duke mos u lënë hapësira kroatavëe, që hasën vështirësi për të depërtuar në zonën e kuq e zinjve.
Goli i avantazhin erdhi në minutën e 11-të. Krosi i Jasirt Asanit gjen kokën e Qazim Laçit, i cili me një devijim të lehtë e çon topin në rrjetën kroate. Shqipëria 1-0 Kroacia!
🚨🚨| GOAL: LACI OPENS THE SCORING!
Croatia 0-1 Albania #EURO2024
— Transfer Sector (@TransferSector) June 19, 2024
Kombëtarja kishte rastin për të dyfishuar me Kristjan Asllanin, i cili doli përballë me portierin kroat pas një pasimi nga Asani. Kundërsulmi nuk u arrit të finalizohej me gëzim për kuq e zinjtë, pasi goditja e mesfushorit të Interit u bllokua nga gardiani i kroatëve.
Kristjan Asllani got caught in Livakovic’s obstacle in this position pic.twitter.com/Km8njW0X4n
— PushGoals (@PushGoals) June 19, 2024
Një tjetër rast i mirë për Shqipërinë ishte edhe ai në fundin e pjesës së parë, kur Manaj goditi me kokë nga brenda zone, por Livakovic priti edhe njëherë.
Shqipëria dhe Kroacia luajnë sot në Hamburg takimin e dytë në grupin B. Në ndeshjet e para, Shqipëria humbi kundër Italisë 1-2, ndërsa Kroacia u mund nga Spanja 0-3.
Discussion about this post